ხე არის ერთ -ერთი უძველესი სამშენებლო მასალა, რომელსაც კაცობრიობა იყენებს. იგი გამოიყენებოდა ყველაფრის ასაშენებლად ნეოლითის ხანის სახლებიდან იერუსალიმის პირველ ტაძრამდე, რომელიც აშენდა ლიბანის კედარებით. დღესაც კი, შეერთებული შტატების საცხოვრებელი სახლების მშენებლობაში დომინირებს ხის ჩარჩოს კარკასები. ამერიკული სახლების 90 პროცენტზე მეტი აგებულია ხის ჩარჩოებით.

ხის კოტეჯებზე მოთხოვნა ბაზარზე დღითიდღე იზრდება. მით უმეტეს, საკურორტო ზონებში როგორც მთაში, ისე სანაპირო ზოლზე. კოტეჯები პოპულარულია სხვადასხვა მიზეზების და მახასიათებლების გამო, რომელსაც სტატიის მიმდინარეობისას განვიხილავთ.

ხე არის ორგანული, ჰიგიროსკოპიული ( ანუ, ადვილად შთანთქავს წყალს) და ანიზოტროპული ( თვისება - მიიღოს სხვადასხვა მდგომარეობა გარემო ფაქტორების ერთნაირი ზემოქმედების პირობებში) მასალა.

მისი ეს თვისებები სხვა დამატებით უპირატესობებთან ერთად, შესაფერისია კომფორტული სახლის ასაშენებლად და კეთილმოწყობისთვის მხოლოდ ხის ნაწარმის გამოყენებით.

ხე ასევე არის დეკორატიული მასალა და ვიზუალურად საკმაოდ ესთეტიურია. თითოეულ ხეს აქვს დამახასიათებელი ფერი, დიზაინი და სუნი. შესაძლებელია სხვადასხვა ხის მასალის შერჩევა ფერის და დიზაინის შესაბამისობის მიხედვით. ხის მასალა შეიძლება შეღებილი იყოს ლაქების მუქ ფერებში და მიეცეს ნათელი, მბზინავი ან მქრქალი ზედაპირი.

მსოფლიოში 5000 -ზე მეტი სახეობის ხეა. მათი სპეციფიკური სიმძიმე, მაკროსკოპული და მიკროსკოპული სტრუქტურები განსხვავებულია. შესაბამისად, მათი ფიზიკური, თერმული, აკუსტიკური, ელექტრული და მექანიკური თვისებებიც განსხვავდება ერთმანეთისგან.

ამ განსხვავებების გამო, შესაძლებელია საჭიროებისათვის შესაფერისი ხის მასალის პოვნა. მაგალითად, თბო იზოლაციისა და ხმის შთანთქმისთვის გამოიყენება მსუბუქი ხის მასალა. ანალოგიურად, მძიმე და მასიური ხის ჯიშები გამოიყენება სამშენებლო კონსტრუქციების ასაშენებლად.

ჩამოთვლილი თვისებების გარდა, ხის კოტეჯების მშენებლობა სხვა მახასიათებლებითან გამოირჩევა ტრადიციული, ქვით ნაგები კოტეჯებისგან. მათგან უპირველესი არის დროის ფაქტორი.

როგორც წესი, ხის კოტეჯების მშენებლობას მაქსიმუმ 1 კალენდარული თვე სჭირდება. ეს საკმაოდ ხელსაყრელი ვადაა მათთვის, ვინც კურორტზე აგარაკის აშენებას გეგმავს. სამშენებლო კომპანიათა ნაწილს კოტეჯის კარკასის ნაწილები ადგილზე მიაქვს და იქვე აწყობს, ნაწილი კი - მასალებს სამშენებლო პერიმეტრზევე ამუშავებს.

თითოეული სამშენებლო კომპანია მომხმარებლებს ხის კოტეჯის სხვადასხვა კომპლექტაციის პაკეტებს სთავაზობს - ზოგიერთი თბო იზოლაციითა და კომუნიკაციებით არის აღჭურვილი, ზოგიერთს ორთქლ საწინააღმდეგო მემბრანები აქვს, ზოგიერთი კი მათ გარეშეა. სწორედ ამ კომპლექტაციის მიხედვით განისაზღვრება ხის კოტეჯის ფასიც. მშენებლობის ღირებულება ასევე დამოკიდებულია მშენებლობის ლოკაციაზე - რაც უფრო რთულად მისადგომია ადგილი, იზრდება მიწოდების და მშენებლობის ფასიც.

ამ და სხვა მახასიათებლების გარდა, ხის მასალა ცნობილია მისი ეკოლოგიურად სუფთა თვისებებით. სიცოცხლის ციკლის განმავლობაში ხეები შლაინ ნახშირბადს ჰაერში, მაგრამ საბოლოოდ ხის განადგურების შემდეგ, ისინი აბრუნებენ ნახშირბადს ნიადაგსა და ატმოსფეროში. როდესაც ხე გამოიყენება სახლის მშენებლობაში, ნახშირბადი არ გამოიყოფა სულ მცირე, სანამ შენობა დგას და არ განადგურდება.

დღესდღეობით, ხის კოტეჯების რამდენიმე სტილი განსაკუთრებით პოპულარულია. მათგან ყველაზე ცნობილი ფინური კოტეჯებია, რომლებიც დამახასიათებელი სამკუთხედი ფორმით გამოირჩევა.

ე.წ. „ფინურ კოტეჯებს“ რეალურად A სტილის ჩარჩოს სახლი ჰქვია. A- ჩარჩოს სახლი არის შენობა მაღალი, სამკუთხა სახურავით, რომელიც წააგავს ასო "A"-ს. როგორც წესი, A- ჩარჩო არის ორ სართულიანი ან სამსართულიანი სტრუქტურა ფართო პირველი სართულის საცხოვრებელი ფართით, მისაღები ოთახის ზემოთ მეორე სართულით და პატარა ზედა სართულით, რომელიც საძინებლად გამოიყენება.

ამ სტილით ნაგებ კოტეჯებს სხვა სტილის კოტეჯებისგან რამდენიმე უპირატესობა გამოარჩევს:

ხელმისაწვდომობა. A-ჩარჩო სახლები არის მარტივად ასაშენებელი ინჟინრებისა და მშენებელთათვის, შესაბამისად, ამ მიმართულებით ნაკლებ რესურსს მოითხოვს.
ბუნებრივი შუქი. A- ჩარჩო სახლების უმეტესობას აქვს დიდი ფანჯრები წინა და უკანა კედლებზე. კიდევ უფრო ბუნებრივი სინათლისთვის განიხილეთ თქვენს A- ჩარჩოზე სახურავის ფანჯრის დამატება. სახურავზე განთავსებული ფანჯარა სახლის უფრო დიდ სივრცეს წარმოაჩენს. უმეტესობა A- ჩარჩო სახლების გეგმა და სალონის კომპლექტი მოიცავს სახურავის ფანჯარას, როგორც მათი დიზაინის ძირითად ნაწილს.
თოვლის მართვა. A- ჩარჩო სახლის ძლიერ დახრილი სახურავი ხელს უშლის თოვლის დაგროვებას და ამით სახლისთვის ზიანის მიყენებას. თოვლიან რეგიონებში ასეთი ტიპის სახურავები ამ მიზნით საკმაოდ გავრცელებულია.

როგორც აღვნიშნეთ, სხვა ტიპის სახლებთან შედარებით, A ჩარჩოს სახლები შედარებით ადვილი ასაშენებელია.

ააშენეთ სახლი A- ჩარჩოს მზა გეგმებიდან. თქვენ შეგიძლიათ შეიძინოთ არქიტექტორისგან ან შემსრულებლისგან A ჩარჩო გეგმის კომპლექტი (ან შეადგინოთ თქვენი სამშენებლო გეგმების მიხედვით) და შეიძინოთ მასალები - ხე, სამაგრები, გადახურვის ფილები და სხვა. გეგმის გათვალისწინებით მარტივად შეძლებთ მასალებით სასურველი კარკასის შეკვრას. შეიძინეთ A ჩარჩო სახლის ნაკრები. A- ჩარჩო სახლის ნაკრები მოიცავს როგორც სახლის გეგმას, ასევე ყველა იმ ფიზიკურ მასალას, რაც დაგჭირდებათ თქვენი საკუთარი ხელით სახლის სრულყოფილად ასაშენებლად. ამისთვის მხოლოდ სამშენებლო ინსტრუმენტები და მონდომება დაგჭირდებათ შეიძინეთ ასაწყობი A- ჩარჩო სახლი. თუ საკუთარი ხელებით A- ჩარჩოს აშენება თქვენთვის რეალისტური არ არის, შეგიძლიათ შეიძინოთ ასაწყობი A- ჩარჩო სახლი მშენებლისგან. თქვენ მხოლოდ ნაგებობის საძირველი დაგჭრდებათ და შემსრულებელი კომპანია ან მშენებელთა ჯგუფი პირდაპირ მზა სახლს ჩაგიდგამთ უმოკლეს ვადაში.